.jpg)
Bible ah Roreltute chu Pathian ruat an nih thu kan hmu a; khang hunlai khan a Zawlneite kaltlang ten lal tur kha chhunglamin a ruat thin a, direct a chhunglam aw hriat thin hunlai a ni a, tunhunah chuan mihringte chungah mahni hmalam panna leh nunkawng zawh turin duhthlantur a dah a, chu kawng zawh fuh leh fuhloh chuan ram rorelna thleng in nghawng anei tih a chiang awm e.
Kutman awmsilovin, inthlanlaiin Pathian duhdan nilo tura ngaih tamtak Candidate leh anmahni puitute, Political Party ten an ti thin tih a chiang a, a tlingte chu Pathian ruat ni a kan pawm leh thlap thei lai hi mak ru ve riau.
Voter te hian tanlam neisain roreltutur Pathian hnenah kan dil thin em le, inthlanna thianghlimtak a awmtheih nana diltute hi hmanraw thianghlimlo hnualsuat duh silo zingah kan tel ve tho angem ?
Dikna leh rinawmna te inthlanna thianghlim takte hi eng ang pawn dil dil mah ila keimahni lamin zawm kan tum siloh chuan, in dila, indildik silova a tih huang ah khan kan tawngtaina zozai hi khungkhawm a ni mai awm asin.
Keimahni lamin kan tihtur kan tihve theih reng, kan dilfo tullo a tam thei viauin a rinawm a, a hranpa in MLA turte hi chunglamin a rawn ruat ngawtlo tih chiang ila, roreltu tha kan duh chuan mitha thlangchhuak thei turin Lalpan chhia leh tha hriatna minpek hman mai kha keinin kan lo tihve tur chu a ni mai awm asin.
Pathian thu hi thil engpawh pawmzam tiawlsamtu a hman a fuh lova, roreltute hi Pathian ruat a kan ngaih lai hian, a ruat a te pawh thlangchhuak duh chuang silo hian a mipui lam hi a awmtheih awm mange.
Inhnialna tawp theilo awmtir theitu a ni tih a chiang, kan thuchai hi. Kan duhte a hnenah kan thlen anga, mihring lamin tihve tur tamtak kan nei tih erawh thil chiang tak a ni.