Vawiin khan Lawngtlai District a Assembly bial pathum, Tuichawng, Lawngtlai West leh Lawngtlai East Final Electoral Roll chu Deputy District Election Officer Pu Abraham Beirazi Khithie, Additional DC, Lawngtlai chuan DC Conference Hall, Lawngtlai ah a tlangzarh.
He hun Pu Denny Lalchhuanawma Election Officer kaihhruai ah hian,State Assembly inthlanpui neiha hmantur Electoral Roll Second Special Summary Revision 2023 peihfel tak a tlangzarhna ah Pu Abraham Beirazi Khithie chuan Inthlanna dik, felfai leh rintlak neiturin Vote neithei leh neitheilo siamfel kawnga hmalakna a that hmasak a ngai tih sawiin, Electoral Roll thar thatak tlangzarh theih a ni chu Sorkar lama thawktu hrang hrangte inpekna te, Political Party leh Tlawmngaipawl leh Chanchinbumite thawhrimna rah a ni a ti.
Vawiin a Electoral Roll thar tlangzarh tak ah hian Tuichawng bial ah Vote nei 36,192 an awma, Lawngtlai West ah vote nei 29,540 awmin Lawngtlai East ah Vote nei 25,939 an awm a, Lawngtlai District a Assembly bial pathum ah vote nei 91,671 an awm.
Electoral Roll hi Political Party te hnen ah a thlawna pek an ni a, vote neithar thlanbikte hnen ah Elector Photo ID card sem a ni bawk
Tags
News