Vawiin chhun khan Pu Joseph H.Lalramsanga, Deputy Commissioner, Lawngtlai district chuan a pisaah Mizoram Journalist Association, Lawngtlai District member-te a kawm a. Inthlanna felfai, thianghlim leh langtlang a awm theih nan a tul apiang ah mipuite kaihhruai leh finchhuah kawng ah thawhho pui ah a sawm.
Pu Joseph H.Lalramsanga, chuan Lawngtlai district-ah MLA inthlanna tha tak a kalpui a nih theih nan kawng hrang hrangin inbuatsaihna neih a nih thu a sawi a. Inthlanna felfai leh langtlang kalpui turin leh mipuiin an duhthlanna zalen tak a an hman theih nan thutharlakhawmtute chu thawh ho pui ah sawmin, Election Commission of India in inthlanna kalpui dan tur inkaihhruaina felfai tak a siam te rintlak zia mipuiin an hriat theih nan District Election Office-a hmalakna hrang hrangte hriatpuitu ni turin MJA member-te chu a chah a. Inthlanna thianghlim tak kalpui a nih theih nan mipuite zirtirtu ni turin leh a tul apiang ah Sawrkar a mawhphurhna neite pawh finchhuahtu ni zel turin a sawm bawk.
Pu Lalngheta Ralte, President, MJA, Lawngtlai district chuan MJA dinhmun leh an hnathawh dan tlangpui tarlangin member 10 an awm mek thu a sawi a. Deputy Commissioner chu MJA patron member tur a ruatna lehkha an hlan bakah MJA puanbah an pe bawk.
Inkawmhona ah hian Pu Abraham Beirazi Khithie, Addl. DC, Pi Rochuangkimi Khenglawt, PD, DRDO leh Pu Hmingthanzuala, DIPRO-ten Lawngtlai DC hi an tawiawm.
Tags
News