Lawngtlai-ah RTI Week, Additional DC hovin hman a ni.

Vawiin khan DC Conference Hall Lawngtlai ah Dr.Doris Lalrinawmi, SDC Lawngtlai kaihhruaina hnuaiah Right to Information Week hman a ni.

RTI Week a khuallian Additional DC Pu Abraham Beirazi Khithie chuan  RTI Act chu mipuiten an tana Sorkarin hna a thawh an hriattheihna tur a ni a, zawhna lutte thataka chhan zung zung chu mawhphurhna neite tihtur a ni a ti a, RTI Act section 4 chu a nihna angin Sorkar Department ten an la hmangtangkai tawklo deuh a hriatthu sawiin, Section 4 hnuaiah, Department ten an hnathawh pholang thin tura tihna a awm a, heihi thataka kalpuinisela chuan mipui lam atanga zawhnalut engemawzat chu zawh kher ngailova an hmuh theihtur sa a ni a ti

Lawngtlaia RTI Week hmanna ah hian  Resource Person Pi Malsawmtluangi DC Office a Superintendent chuan Online hmanga RTI Act hmandan chuipchiar takin kalkhawmte zirtirin a hrilhfiah a, RTI Week hmanna ah hian Lawngtlai a State Sorkar hnuaia  Department hrang hrang leh Lai Autonomous District Council a SPIO leh ASPIO te, Tlawmngaipawl hruaitute leh Chanchinbumite bakah Govt Lawngtlai College a zirlaite an tel a, DC Office Lawngtlaia SDC Pu Samuel Lalmalsawma Sailo chuan lawmthu sawiin hun a khar a ni.