KMMTTP ram neituten Oct.10, 2023 thleng Sorkar an ngaichang leh dawn.

Kumin August 1 atanga zangnadawmna ngiata Sorkar nawr nan KMMTTP ram neitu intelkhawm ten Dy.Conservator of  Forest, Chhimtuipui Wildlife Division, Office Lawngtlai a mi an dan chu an la chhunzawmzel a, Sorkar atangin thulawmawm innghahngamna tur an la dawnglo tih an hruaitute chuan an sawi.

Lawngtlai District Land Owners Association te hian KMMTTP a hnathawktute chetchhuah pawh remtilovin hun engemawchen KMMTTP kawngpui pawh zawh hleihtheihlohin a awm a, Sorkar thuneitute leh mipui lam dinhmun enchungin thla hmasa September 2 atang khan KMMTTP kawngah hnathawktute chetchhuah an rem ti a, vawiin thlenga zangnadawmna an ngaitna ah thulawmawm an hriatloh vangin October 10, 2023 thleng ngaihchang leh phawtnise, zangnadawmna an la hmulo emaw, innghahngamna tur an hrelo a nih chuan KMMTTP a an ram chin humhalh nan hmalak zui nise tiin Ramneitu te vawiin a thukhawm chuan an rel.

Tarlan tawh thin angin KMMTTP a zangnadawmna ngiat hian Gauhati High Court Aizawl Bench pawn ram pass diktak ti a finfiah mi 138 te chuan kawng hrang hrangin hma an la tawh a, an duhthusam erawh vawiin thlengin a la puitling theilo chu hriatthiam har an tih thu an sawi nawn.