Mizoram State Assembly inthlanpui neih tur ah Vote thlak hun November 7, 2023 a hnai chho viau tawh a, Lawngtlai District a Assembly bial pathum, Tuichawng, Lawngtlai West leh Lawngtlai East ah inthlanna felfai leh muanawm a awmtheih nan hmalakna chaktakin kalpui mek a ni.
District Election Office chuan DEO Pu Joseph H.Lalramsanga hovin inthlanna a tulpawimawh bawhzui ngai leh tihfel ngaite chhun zan zawmin an thawk reng.
Inthlanna a hmantur EVM leh VVPAT First Randomization chu naktuk khian DC hovin neih a ni dawn a, Second Randomization of EVM and VVPAT chu October 23 khian Govt. Lawngtlai College ah neih a ni anga, Commissioning chu Ocxtober 23 atanga 30 chhungin neih a ni ang.
Bial pathumah hian Candidate leh an mahni puituten Election Campaign an ngawrh chho viau tawh a, chanchin buatsaihlai thleng hian Nomination File an la awmlova, Inthlanna a chuhtumte tan October 23 thleng hming pekluh theih niin, Oct 21 ah hming pekluhte endik a ni anga, Oct.23 thleng inhnukdawk duh tan hun hawn a ni.
Lawngtlai DC Pu Joseph H.Lalramsanga District Election Officer chuan inthlanna felfai leh muanawm a awmtheih nan Political Party, Kohhran, NGO leh mipuite thawhpuiah sawmin mahni theihna zawnah tanla turin a ngen.