Editorial || VOTER TE HI TU THUHNUAIAH MAH AN AWMTUR A NILO

  Democracy rama thil langsar tak chu Vote lei leh hralh a ni a, heivang hian Democracy sawiseltute phei chuan tanchhanah hmangin, inthlanna fair lo lutuk ah an chhuah fo thin a, a dikna lai pawh a awmthei awm e.

Thlathar maiah Mizoram State Assembly inthlanpui neih a ni dawn a, a pawng atakin Voter ten an Vote an zuar ngawtlo, thiamtakin Candidate te leh an lamtangte nen inremsiamin, eng eng emaw tawktarh hrang hrang bakah sumfai te pawh a ni maithei e, mit a hmuh leh kuta man awm thei silo chu  Campaign na hmanraw tangkai leh leklam ber a nithei tih a chiang a, heng lakah hian Voter te fimkhur a ngaihhun lai tak a ni.

Thenkhat chuan pawisa a an thlem che chuan la maila, i vote tur erawh nangma thuneihna a ni tiin an sawi thin, hetizawng hian ngaihtuah ila, Kristian kan nihna atang pawh hian tute emawin min thlemna chu lo pawm ngawt chi a nilova, lak pawh lak chi a nilova, i laka i vote siloh chuan a thlemtu che nen angkhat reng in ni ang.

Voter te hi tute thuhnuaiah mah awmlo ila, mahnia chhia leh tha thliar thiam, dan hnuaiah Vote nei chin chuan ngaihtuahfim a hmang ngamtur a ni. Chhia leh tha hriatna fim hmanga Vote thlak hi ram tana Voter te tihtheih sangber a ni a, i zahawmna i hralh chuan khua leh tui laktlakloh tak i nihna a tilang tihna a ni ang.