.jpg)
Lawngtlai Traffic flow hi kum thum hmalam nena khaikhin chuan hmasawnna hmuhtur a tam ve viau tawh a, hetichung hian duhthu a samlo nasain, fimkhur tawkloh vanga chetsualna hi a thleng zeuh zeuh reng a, a pawi khawp mai.
Areopagy leh a chhehvel hi Traffic Police duty awmna a ni a, a ziaawmlai ber a nih rualin, Traffic Police te pawn dan bawhchhia mantur an la nei fo hian, lirthei khalhtute inthlahdah zia leh dan an pawisaklohzia a lanfiahtir.
Two Wheeler Taxi Permit hi 100 vel zet pekchhuah a ni dawn a, huphurhawm ru ta ber chu lirthei chetsualna hi a thleng nasa viau palh ang tih hi a ni. Two Wheeler Taxi hi kum 20 chin chunglamin an khalh thei a, tuna Lawngtlai Traffic dinhmun en hi chuan kan himzawk nan Two Wheeler Taxi khalhturte chu a hranpa liau liau a Training leh an zawmtur dan khauh deuh hlek zam hial a fuh maithei.
Traffic Police te hmuhphakloh a Traffic flow buai nuai chang awmte hi a zahthlaka, Traffic Police te an indaihlohzia a hriat a, Driving License nei chin chuan Driving Manner a hretur a ni a, a hriat maibakah a zawm ngei tur a ni. Hawihhawmna tlachham fe fe ten lirthei an khalh vanga harsatna thleng thinte hian khawpui a tizahawmloh.
Lawngtlai Traffic a mumal zawk theih nan hian thuneitu lam ten engkawng emaw tala hma an lak a ngai, kawngpui kama lirthei inhung tam lutuk te pawh hi awmzenei zawka thenfai theih a ni ngem le ?