.jpg)
Inthlan dawna an Campaign auhla angte, thlantlin an niha an tihtur Manifesto an ruahman angte hian awmse, Mizoram hian tun ang dinhmun hi a luah hauh lo anga, hman hmanah, State intodelh, tuna State hmasawn tawhte pawn an chungen a ni daih tawh in a rinawm.
Inthlankum a ni a, ram hmangaihtu an pun kum a ni a, dawt leh therhlo hmanga thlemtu inlar tam hun a ni. Heihi tute pawn an hriat a ni a, hei aia chungnung hret hi thlen a hun tawh a, mipui hi Voters an ni ngawt lova, Citizen an nihna hmuhlensak an ngaia, chu vangin thlantlinte pawn Vote Bank en a en lova, khua leh tui an nihna an zahsak a tul.
Politician te hian mipui hi enge an hlui thin, an thiltum hi an sawi thei mailo nge ni a, mipui tana finfiah hleihtheihloh, midang beihna hriam tak tak thlengin hriattur a awm deuh reng a, tutenge dika, tutenge diklo tih pawh hriat a harin, Policy aia an elpuite beihna hriattur a tam lutuk hian he ram hian hmasawn ngaihna lai a va ngah em...tih bak chu sawithiam a har a nih hi.
Politician chuan Politics khel se, inbum, insawichhiat, inthlem, Vote lei angte hi Democracy in a tum nilo, thil thalo a kentel niin, thilthalo zawk hi leklamah hman a nasa ta lutuk hian Democracy a tihlu lozo.
Mipui lam in an dikna chanvo an humhalh thiam a tul, Politician ten eng thil pawh minhlui se, eingam leh eiduhloh neih a tula, Mipui sukthlek a dik chuan tutemah hian an sal niturin mipui thunun an tumin a rinawmloh.