Lawngtlai SP in DRS leh New Vengpui YLA te Chawimawina a hlan.

Lawngtlai SP Pu. Rakesh Paweriya chuan Central Young Lai Association hnuaia ruihhlo dotu pawl Central YLA Drug Reduction Squad leh YLA, New Vengpui Branch Lawngtlai te chawimawina thuziak  a hlan.

Vawiin khan Lawngtlai SP Pu Rakesh Paweriya chuan Central Young Lai Association hnuaia din Drug Reduction Squad (DRS) te leh YLA New Vengpui Branch  Lawngtlai te chu, Ram leh Hnam tana Ruihhlo leh a kaihhnawih dona ah an thawhhlawk em vangin, Appreciation Certificate a hlan.

Lawngtlai SP  Chamber a he hun hmanna ah hian  Lawngtlai SP, Pu. Rakesh Paweriya   chuan khawtlangnun siamthatna kawngah te, ruihhlo leh a kaihhnawih dona ah Young Lai Assiciation te inpekna chu chhuanawm a tih thu sawiin, Police te nen thawhhona thatak an neih chu vawngnung zelin, theihtawp chhuaha Ruihhlo dona kawnga tanhozel a tul thu a sawi.

Lawngtlai SP Appreciation  Certificate hi , CYLA DRS aiawhin an Chairman Pu T. Rohlupuia'n dawngin, New Vengpui aiawhin Pu. N. Vanlalmawia'n a dawng.

https://www.youtube.com/watch?v=GytcdW8T3QU