LADC Sorkar in vawiin khan Inhlantharna hun a buatsaih.

  Vawiin  khan Lai Autonomous District Council Sorkar chuan   inhlantharna hun a buatsaih Kum 2023 atan LADC hnuaia thawktute  inhlan tharna hun, CEM Office  tuala neih ah, Chief Executive Member   Pu V.Zirsanga   chuan LADC hruaitu Pathian chungah lawmthu a sawi a, thawktute chu rilru thar, ram tana inpekna thar nen kum 2023 chu hmangtur a chahin, Kum 2022 chhunga LADC hnuaia thawk mi  23 laiin chatuanram an pan chu a tawrhpui takzet tih sawiin, an kalsan tak anchhungte an hriatreng thu a sawi. 

Pu V.Zirsanga CEM chuan, Kum 2022 kha LADC  tan kum  chhinchhiah tlak a ni a  , Golden Jubilee ropui taka lawm a ni te,  hnathar lakna ah pawh a thiam leh tlingte lak an nih theih nan  , Competitive exam kaltlanga  lak tan a ni te,  dan siam kawngah nasa taka tan lak a ni te,  hnathawktute hamthatna tur Service Rule pawh siam thar a ni te chu lawmawm a tih thu a sawi a,  kan Unau  raltlan engnge mawzat kan dawngsawnga, NGO leh Kohhran angte a chechhuakin kan hruaitute pawhin theih tawp an chhuah  a, a lawmawm hle a hmalak chhunzawm pawh ala tul dawn a ni, Pu V.Zirsanga chuan a ti

CEM chuan Sawrkar Office a thawk kan nih chuan, dan hnuaia awm kan ni tih kan inhriat atul a, Conduct Rules nei kan ni a, kan tih tur leh tih loh tur chin kan thliar thiam atul hle a ni a ti a,  Dan hriat loh hi chhuanlam a tling lova, tihtur chin   thliarthiam   a  ,  mahni hna theuh rinawm taka thawh hian, kan hna chu hna zahawmah a siam mai thin a ni a ti.

LADC Inhlantharna   hun hi, Pu H.Lalruatkima Executive Secretary LADC chuan kaihruiin,  Rev.V. Sukharliana chuan hunserh a hmanga, Pathian hnen ah lawmthu sawiin, a hnen a inhlanthar nan tawngtai rual a ni.

LADC Inhlantharna 2023 - YouTube