Samagra Shiksha, Lawngtlai District buatsaihin Unity Run neih ani.

   Samagra Shiksha, Lawngtlai District chuan Sardar Vallabhai Patel piancham denchhenin  inlungrualna leh inpumkhatna pawimawh zia lantir nan, tukin zing khan  School naupang te tan Unity Run a buatsaih.  Areopagy-a hun hman na ah Pi R.Lalnuthari, District Project Co-ordinator chuan Unity Run a telte lawmna thu a sawi a, he hun hmanpuitu Pu Andrew Laltlanzara, Executive Member (M/S), LADC chuan Unity Run hun pawimawh takah  India rama cheng hnam hrang hrangte kan inpumkhat a tul zia kan hriat thar leh a tul a, Khawtlang siamthat nan kan tanrual a kan thawh ho a pawimawh hle a ni ati. Zirna ah  theihtawp chhuah a khawtlang leh hnam tihmingthatu ni tuirn zirlaite  chah in, Unity Run a telte a vailiam.

Unity Run ah hian  Areopagy atangin Chandmary Square thleng tlan a ni a,   Lawngtlai khawpuia School hrang hrang atangin   naupang 100 an tel.

      Chandmary Square ah hian Pu H. Laltanpuia, Addl. District Project Co-ordiantor, Samagra Shiksha, Lawngtlai District leh Samagra Shiksha thawktuten School naupangte hi lo hmuakin in tur leh pen an lo sem a ni. Pu H. Laltanpuia chuan Unity run a  tel zawng zawngte hnenah lawmthu a  sawi.