Editorial || NUNDAN PHUNG PAWISAKLOHNA HI.

Khawlaidungah midang pawisakna nei hauhlova thalai chetla inhmu tawh em? Inchhungkhurah Nu leh Pa zahna nei lemlova tal mai mai in hre nual em ? Puipunna leh midang tanpuina ah tlawmngaihna lam aia an chetchhuah chhan ngaihsak lemlo i hmu thin em ? Hetiang mi hi kan ram leh kan khawpui hian mamawh aiatam a nei hial tawh awm mange.

LADC a CEM hian, nundanphung hrelo leh zawm duhlo, thalai  tam tawhzia hi a veiin, a remchanna hmunah chuan a sawifo thin, lehkha an zira, an zirchhuah emaw, an puitlin chhoh meuh chuan, midang pawisakna an nei mumal manglova, hengmite hi khawtlang leh Kohhran ah pawh harsatna thlentu a nih tan tawh thu CEM hian a sawi thin a, chiktaka thlir chuan a dikna hi hriattur a tam ngawt ang.

Lehkhathiam chherchhuah tuma hmalakna ah hian   nunphung, nunzemawi an hlohphah si chuan, mipuitlinga chherchhuak lovin, milaktlaklohah an chhuak zovang tih a hlauhthawnawm ta viau mai.

Khawilai atanga siamthat hna hi tantur nge ni anga, hmalakna hi kalpui nghal rum rumte pawh a hun viau tawhin a hriat a, helam hawia hmalakna hi huamzau zawk leh awmzenei, kalphunga sengluh theihtura neih a tha viauin a rinawm.