Lawngtlai District, Kawrthindengah RD Department hnathawh thlirletna leh hmalak zel dan tur chungchanga inrawnkhawmna neih a ni
Inrinni khan Village Employement Council, Kawrthindeng huaihawtin Kawrthindengah MGNREGA hnathawh thlirletna leh hmalak zel dan tur chungchanga inrawnkhawmna neih a ni.
Inrawnkhawmna hi Circle VLAA Pu K. Thansiama'n kaihruaiin, Kawrthindeng VCP Pi Bansiti in inlawmna thuchah a sawi a. Khuallian Pu N. Lalzarzova , BDO, Programme Officer (MGNREGA) R.D Block, Lawngtlai hnen atangin thu pawimawh tak tak ngaihthlak a ni.
Inrawnkhawmnaah hian MGNREGA,PMAY-G,PM-KISSAN leh MzSRLM hmalakna hrang hrang tarlangin inhrilhriatna neih a ni a. Resource person Pi Hc. Lalrindiki, APO (MGNREGA) chuan infuihtharna leh hmalak dan tur inzirtirna hun a hmang.
Kawrthindeng VC Vice President Pu M. Zairemkhuma hnen atangin lawmthu sawina ngaihthlak a ni a, he inrawnkhawmna hi beneficiary ten hlawk an ti hle a, hetiang ang Village level a inrawnkhawmna hun hi la hman ngai zen zen loh leh thil chhinchhiah tlak tak a nih thu he huna telte chuan an sawi.
Bru Students Association atangin mimal zai leh lam ngaihthlak a, thlirho a ni bawk.