Primary Health Centre (PHC) building Sangau hi, State Priority Programme (SPP) 2018-2019 kal tlanga thawh a ni a, cheng Rs.145,74,900 senga sak niin, he hna hi December 17, 2019 ah tan niin, April 10, 2021-ah thawh zawh a ni a. Zamzo Engineering Construction & Consultancy Bawngkawn, Durtlang an thawk.
Pu H. Biakzaua chuan , Sangau khua leh a chhehvel mipuitena tangkai taka an hman theih tura Sangau PHC Building sak thar a ni chu lawmawm a tih thu a sawi a, Chief minister Pu Zoramthanga leh Health Minister Dr. R. Lalthangliana ten hriselna an ngai pawimawh hle tih sawiin, chak takin Health Care lamah tan an la a, PHC building hmun hrang hrangah sak a ni chho mek a ni a ti a. Health Care Scheme tha tak mai duang chhuakin Chief Minister leh Health Minister hmalaknain hriselna lamah sawrkarin tan a la nasa tih a sawi bawk.
Pu H. Biakzaua chuan, Sangau RD Block huamchhung leh Lawngtlai Town chhungah Chief Minister leh Health Minister hmalakin Health Clinic Centre 11 lai hawn a nih thu sawiin, Lawngtlai Town chhung ah 4, Sangau RD Block huamchhungah 7 dah anih thu a sawi a. Health Sub-Centre neih lohna khua ah te, Health Clinic Centre dah vek tur anih thu sawiin, a hmun hma te pawh en tawh a ni a ti bawk.
He hun hi Chief Medical Officer (CMO) Lawngtlai Dr. LP Malsawma'n kaihruaiin, MLA hi LADC a Executive Member te Pu C. Rongura , Pu BN Thangpuia , Pu JB Vanhoy leh Pu Sanghuliana Mualchin Chairman Town Committee leh MNF Party hruaituten an tawiawm a ni.