Editorial || DOCTOR SAWNCHHUAH LEH CYLA.

      District Hospital Lawngtlai chuan, District tanrualna rah sengin Kayakalp Award a dawng mawlh mawlh a ni ber a, hetiang aia Damdawiin thuamthat an duhna District mipuiin an tihlanna a awmloh thute kan ziak tawh a, Doctor dahbelh tur a ngenna a kalmek laiin, dahbelh aiin, pahnih sawnchhuah thu chuan hriat a hlawh hmasa ta a, amak tih mai loh chu sawizuitur a tamlo ang.

Lawngtlai District hi District chhangchhia, Hriselna kawngah pawh hmasawn chaklo a ni tih sawitam a ngailova, District dinhmun pangngai ah pawh, a bika ngaihven ngai reng a nih laiin, Myanmar buaina vangin Raltlan thahnemtak kawlmektu a ni a, tun ang boruak ang aia Doctor mamawh belhna a sanlai hi a awmin a rinawmloh.

Hetiang khawpa Lawngtlai District in hun harsa a tawhlaia, dahbelh tura ngen mawlh mawlh laia a awmsa pahnih sawnchhuah a ni hian, Sorkar kaldan ah  hriatthiam theihloh a rawn hringchhuak a, sawnchhuahte hi sawn awm tak takte pawh a nihna chin a awm ang, sawn an nih pawn, an hmunruak hnawhkhattur tal pawh ruahman a ni lo hian District mipuite rilru a tithlepa, Sorkar pawn District dinhmun thlirnawnin, hmunruak hnawhkhah piahlam ah rawn dahbelh ngei se tih hi mipui au aw ani.

Ramin harsatna a tawhin, khawiahnge CYLA tih chu mipuiin an thlir thup thin a, heihian YLA hi NGO a ningawt lova, Voluntary Organisation a ni ngawt lova, manganlaia tanpuitu, ramin a mamawhna zawna a thim a var thlulova penchhuak thin a ni tih a tichiang a, CYLA ah mipuiin rinna liantaka an nghat tlat hi a ropui a, pawl hruaitute puitlinzia lanfiahna a ni.