Krishi Vigyan Kendra (KVK) Lawngtlai buatsaihin, vawiin khan Sik leh sa danglam chho mil a, kuthnathawktute hmalakna herrem chungchang, inzirtirna, KVK Training Hall, Chawnhu, ah neih a ni
He Training hi National Initiatives on Climate Resilient Agriculture (NICRA) Project hnuai a neih niin, KVK Lawngtlai a Senior Scientist and Head Dr. C.Lalfakawma chuan, Sik leh sa danglam chhozel chu kuthnathawktuten an tawrh loh nan, an hmalaknate lo herrem a pawimawh tih a sawi a, Sik leh sa mila kuthnathawktute an inherremloh chuan, harsatna nasazawk tawk thei an nih vangin, National Initiatives on Climate Resilient Agriculture Project chu kuthnathawktute hmakhua su eng tur a kalpui tum a nih thu a sawi.
National Initiatives on Climate Resilient Agriculture Project hi kum 5 chhung atan kalpui tur niin Lawngtlai District ah he Project kalpui hmasak berna atan Chawnhu khua thlan a ni a, khaw dang ah pawh hmalak chhoh zel tum a ni .
He Project hnuaiah hian Custom Hiring Centre din niin a khuh hawnna Chawnhu khua VCP Pu Lalhriatpui an a nei nghala, kut hnathawktute tana hawh theih tur hmanrua chi hrang hrang Mini Power tiller, Brush cutter, Tui Pump khawl, Mini weather station, GPRS, Brush cutter tiller attachment leh hmanraw dangte he Custom Hiring Centre ah hian dah a ni. Custom Hiring Centre (CHC) enkawl tur hian Village Climate Resilient Management Committee (VCRMC) din niin, an ni kaihhruiana hnuaiah a enkawl dan tur mumal tak siam a ni.