Vawiin khan LADC Officers Association te chuan an member, March 28, 2022 a chatuanram pan ta, Pu H. Khumtira , R.O, S&WC Dept. LADC ralna hun an hmang. Ralna hun hi Pu B. Lalhnuna, President, LADCOA in a kaihruai a, Khawhar chhungte tan Pu F.Lalhmachhuana, Exe. Member LADCOA a tawngtai a, Pu Thansiama, Vice President chuan Pawl aiawhin thu a sawi a, Pu Khumtira chu mi nunnem leh hotute thuawi tak anih thu sawiin nat lawk pawh awm lova a boral thut chu a thawhpui LADC Officers te ati hrilhai hle a ni a ti a, Pu Khumtira kalsan tak a chhungte chu puih an ngaihna laia inthlahrung lo tur leh pawl angin theitawp an chhuahsak tur thu a sawi . LADCOA aiawhin Pi Lalthlanmawii, Fin. Secy, in Pu Khumtira chhungte hnenah Hriatrenga thuziak leh Rs. 2,00,000 (Nuai hnih) a hlan. Pu Khumtira hi 1987 ah District Coincil hnuaia VLW hna ah a lut a, Kum 2003 ah R.O, S&WC Dept. ah kaisangin, a hun tawp thlengin he hna hi a chelh.
