Chief Minister hian nimin khan Lawngtlai tlawhin, Areopagy atangin mipui hma ah thu a sawi a, MNF Party Sorkar hnuaiah Covid 19 hmachhawn a ni a, Vawkpul hri a leng a, Burma buai vangin raltlan tamtak Mizoram ah an lut a, hun harsa tak hmachhawnin Pathian hruaina vang liau liauin paltlang tlang chho mek a ni a ti a, mithenkhatten, hun harsa a MNF Party in rorelna a chang chu, anchhia ang lek leka sawi an awm tih sawilangin, heng hun harsa ah hian Pathian chuan entirduh a nei a, chulam chu mipuiten an thlirthiam a tul a, hunkhirh leh harsa ah pawh MNF Sorkar chuan hmasawnna hna a thawkin, thuanawplovin hmalam a panzel zawk a ni a ti.
Pu Zoramthanga chuan SEDP hnuaiah chhungkaw sing 6 atanga sing 7 vel hnen ah a bultan nan Cheng Sing 5 theuh sem an ni dawn tih sawiin, Assembly bial tin ah chhungkua 1500 aia tlemlo in an dawng dawn a ni a ti.
Chief Minister hi nizan khan Lawngtlaiah a riak a, thlathar May 5 a MADC inthlanna neihtur ah an Party tan campaign turin tuk zing ah Lawngtlai chhuahsanin Siaha District a pan ang.