Ferry kawng siammek chu, kumin June thla ah zawh hman beisei ani.

      Kum 2019 atanga Lawngtlai leh Tuipui Ferry inkarkawng siam hna thawh chu kumin June thla ah thawh zawh hman tum a nih thu Pu Robert Lalrinawma, Managing Director, VINCO Contruction chuan a sawi.

Cheng  nuai 2587  senna tur, he project hi North East Special Infrastructure Development Scheme (NESIDS) hnuai a mi a niin, Mizoram PWD hnuai ah VINCO Contruction ten an thawk a, hnathawktu Company houte chuan a tirah ram neitu ten sorkarah zangnadawmna an phut avangin thla 3 vel chhung chu hna an tan thei lo tih sawiin,  Sorkar lam atangin zangnadawmna   pek tur sanction a awm loh avangin VINCO Construction chuan an  pawisa nuai 43   an pek thu an sawi a, zangnadawmna an lo pek chu Sorkar atangin an la hmulet lo niin an sawi 

Hnathawktute chuan an  duh angin hna a kal chak thei lo tih sawiin, sorkarin bill an pek that loh avangin an pawisa neihsa hmangin hna hi an thawk tih an sawi a. Bill an lak hnuhnung ber hi kumin January thla kha a ni a. Hetiang reng an nih chuan an tum hunah pawh hna hi an thawh zawh hman a rin loh thu a sawi lang bawk.

Kawng thuizawng hi   8.5kms  niin, GSB   phah zawh tawh a ni a,  WBM Grade 2 leh 3 chu  98% zawh tawh niin, Kilometres 3 blacktop a ni tawh.

National Highway pangngai ah Lawngtlai leh Siaha inkar hi Kilometres 73 niin, Tuipui Ferry kaltlanga Lawngtlai leh Siaha inkalpawhna hi Kilometres 20  vel chauh a ni.