Pu Lalropuia Chinzah chuan, hmalakna hlawhtling leh tha tak mai Horticulture Dept LADC in a nei thei chu lawmawm a tih thu a sawi a, Officer leh Staff-te thawhrimna, inpekna leh taimakna vang a ni a, theih tawp chhuaha tan kan lak zel chuan kan ram leh hnam tan hei aia tha zawk leh hlawhtling zawkin kan la ti thei a ni tih hria ila, theihtawp chhuahin tangho ila, lungrual takin hmasawn zel i tum ang u, tiin thawktute a fuih.
Pu Lalropuia Chinzah chuan, kuhva tiak hi enkawl zel dan tur leh a semchhuah dan tur chu a enkawltu Department te rawn chungin la ngaihtuah tur a nih thu a sawi a, Pu V.Zirsanga CEM kaihhruai sawrkar chuan Kut hnathawk tute hmakhua ngaiin theih tawp a chhuah zel dawn a ni, a ti bawk.
He hunah hian Demonstrator-te On Farm Refresher Training on Mango Pruning practical neih nghal a ni a, Agriculture & Horticulture staff leh Officer te an kal tha hle a, training hlawktak an neithei a ni.