Lawngtlaia WhatsAap group pakhat Lairam Politics Titi group chuan Myanmar atanga Lawngtlai District chhunga Raltlan lolutte tanpuina atan an group member te thawhkhawm Rs 72,000/- chu vawiin khan Central YLA kutah an hlan a,heng pawisa an hlan hi Group members 54 ten an thawhkhawm ani.
Central YLA aiawh a lo dawngtu, Pu JH. Lalrindika, General Secretary. Central YLA chuan Raltlan tanpuina an dawng chu lawmawm a tihthu sawiin, tutepawh hian a kawng kan dapthiam chuan midang tana thiltha tihna remchang hi a awmvek a ni a ti a, tun dinhmunah Lawngtlai District chhung, khaw hrang hrangah, Myanmar atanga raltlan mi 2600 vel an awm mek thu sawiin, heng raltlante hi nausen pianghlim atanga kum upa tak tak te niin, mahni haklai nen chauh a tlanchhia an nih avangin, tanpui an mamawh em em tih hria a, Mizoram hmun hrang hrang atanga Pawl leh mimal anga tanpuina pe an awm thin chu lawmawm atih thu a sawi a, heng kan raltlante hi chhuanchham leh harsa taka an awm hi Central YLA chuan rem ati lo a, kan theih ang angin hma kan la zel dawn ani ati.
Lairam Politics Titi WahatsApp group hi ni 12.6.2019 khan Reltea Tlangchhan in a siam a, tunah hian members 257 an awm mek a, Creator telin Political Party hrang hrang a thawhhlawk tak tak mi paruk Admin an nimek a, Lairam chhunga Politics chungchang titihona Group luntak a ni mek.
