Pu V Zirsanga CEM atan lakluh ani

 

        
        Kumin August 26 ah LADC Sorkar dinglai Executive Committee paihthlak niin, Governor in CEM atan MNF Member Pu V.Zirsanga a pawmpuina, tunkar Thawhtanni a tihchhuah a nih hnu ah, vawiin khan Lawngtlai DC, Dr Andrew H.Vanlaldika chuan LADC a CEM atan Pu V.Zirsanga chu rinawmna thu tiamtirin a lalut.

            The Lawngtlai Post zawhna chhangin  Pu V.ZIrsanga chuan, a kaihhruai Sorkar ah Executive Member turte puanzar thuai a tum thu leh, Sorkar chu fukekima a kalthuai theih nan hmalak nghal a tum thu a sawi.