Pu V Zirsanga CEM atan Governor pawmpuina tihchhuah ani.

V.Zirsanga

        Lai Autonomous District a Chief Executive Member atan Paithar bialtu MDC, MNF Member Pu V.Zirsanga chu Governor in a pawmpuina vawiin khan tihchhuah a ni

        Thlahlui August 26 a LADC Fur thutkhawm ah MNF Legislature Party, CEM Pu Manghmunga Chinzah kaihhruai chu MNF Member paliten rintawklohna Motion House ah pulutin, LADC Executive Committee dinglai chu paihthlak a ni a, a tuk August 27 ah House ah chuhtu awmlovin Paithar Bialtu MDC, MNF Member, Sorkar paihthlak taka Chairman nilai Pu V.Zirsanga chu Chief Executive Member atan thlan a ni a.

    LADC kaldan ah CEM tur chu Governor in a pawmpui phawt a ngaih a vangin Governor pawmpuitura thawn a nih hnu ah, vawiin khan LADC a Chief Executive Member atan Pu V.Zirsanga pawmpuina hi tihchhuah a ni ta a ni.

        Pu V.Zirsanga chuan LADC ah MNF Legislature Party thatak din a nihtur thu a lo sawi tawh a, Pu V.Zirsanga hi kum 2005 atangin LADC inthlanpui, tum 4 neih tawh ah, a zawnin Paithar bial atangin thlantlin niin, nikum kumtawplam a LADC inthlanpui neih ah khan a bial ngai Paithar bial atangin MNF Party ticket in MDC atan thlantlin niin,  chawllovin kum 16 chhung MDC a nihna a hmang mek a, LADC Sorkar ah hian Chief Executive Member bak ah Chairman leh Executive Member te lo nitawhin dinhmun pawimawh tak tak alo luah tawh thin  ani.