KVK, Lawngtlai ten BADAM, Girnar 4, hlawhtlingtakin an tharchhuak

KVK Lawngtlai chuan Kuthnathawktuten hlawk leh awmnei zawka hna an thawh a, thlai chi tha leh tangkai zawkte an chin theih nan thlai chi hrang hrang an enchhinna kalzel ah,  Badam (Groundnut) tha chi Girnar 4 Variety chu hlawhtling takin an tharchhuak.

KVK mithiamte chuan tuna Badam an chin chhin chu Prime Minister pawhin Thlai chin uar tlaka a sawi zing a mi a nih thu an sawi a, a chi hi Gujarat atangin chawlutin, kumin May 5 khan an ching a, nimin khan an seng ta a ni.

Badam pangngai ah hian kungkhat ah 25 vel te a thar theih laiin, tuna KVK Lawngtlai ten an chin chhinah hi chuankungkhat ah 30 chuangte a thar thei a, Badam tha chi, hriselna atana chawtha tak chu Mizoram ah a vawikhat nan Lawngtlai District ah hlawhtling taka chin chu, chinpun tlak leh chin uar tlak a nih thu KVK Lawngtlai a mithiamte chuan an sawi.