3C tihchangtlun dantur, DC hovin enfiah ani.

         
        Covid 19 thawh thumna lo thleng tur atan Lawngtlai District inbuatsaih kalmek ah, vawiin chawhnu khan Lawngtlai DC, Dr Andrew H.Vanlaldika leh Health Department hotuten Covid Care Centre siambelhna tur an enfiah a, tuna CCC a enkawlmek ten damdawi leh chakkhai awlsam zawka an lamtheihna tur an ruahman bawk

        3rd IR hmuntura ruahman Thingkah rama CCC chu hrikai an pun chhohzel pawh a tihlen na tur DC hohian enfiah niin, mi 100 vel lentheihna tur Building dang chu a tul thuta hmanmaitheih turin ruahman nise an ti a, buaipuitur hmasa te DC Office lam leh Power & Electricity leh PHE Department ten lo bawhzui se an ti

i.

     

        Lawngtlaia hrikai enkawlna CCC hi khawpawn a awm a nih vangin, Hrikai enkawlmekte tan Damdawi leh mamawhdang an lamna a buaithlakin, harsatna an tawh chang a awm thin vangin, 3rd IR hmuntur a  Insaksa, CCC hnaih a awm pakhat chu Damdawi leh eitur lam chi zawrh nan hman nise an ti a,  chakkhai mamawh zualpui dangte nena zuar theitur Health Department ten a ranglamin lo ngaihvense an ti.

        Vawiin a CCC tihchangtlundan tur enna ah hian Lawngtlai DC hi, Addl DC Pi Marilyn Rualzakhumthangi bak ah, Health Department atangin CMO, Dr LP Malsawma leh SMO, Dr S,Thaizi ten an tawiawm.