Lawngtlai West MLA in Covid 19 Test Kit 2200 a pe.

       Lawngtlai District tan, Lawngtlai West MLA, Pu C.Ngunlianchunga chuan, Damdawiin thuneitute hnen ah  vawiin khan Covid 19 kai leh kailo enfiahna Test Kit, 2200 a pe

        Pu C.Ngunlianchunga hi Home Quarantine lai a nih vangin tukin khan a aiawhin South Lungpher  bialtu MDC, Pu C.Lalmuanthanga chuan Lawngtlai CMO, Dr LP Malsawma hnen ah  Test kit 500 a hlan a, vawiin vek khan Lawngtlai West MLA aiawh ten  Bungtlang South ah 1600 an hlan   bakah Chawngte ah Test kit 600  an hlan bawk.

        Pu C.Lalmuanthanga chuan   a theih ang angin Congress Party pawn, hridotute tha tihchak a nihtheih nan hma a lakthin thu sawiin, Lawngtlai West MLA chuan Hrido chu a ngaipawimawhin a thawhhlawk hle a ni ati.

        Lawngtlai CMO Dr LP Malsawma pawn, thilpek hlu tak tak an dawng thin chu lawmawm a tihthu sawiin, heihian Hridona ah Lawngtlai District tanrualna a lantir a ni a ti a, anmamawh em em, Hrikai enfiahna Lawngtlai West MLA in 2200 lai mai a pe chu lawmawm a tih thu a sawi.