Kan hlauhthawn em em, Hripui chu mipui ah a darh tawh tih a chianga, hrikai hmuhchhuah zingah, inkhunghranglai ni lemlo, mahni inrinhleh vanga Test atanga Hrikai hmuhchhuah an awm ta fo mai.
Hrikai dahna CCC in minzolo tan tawh a, lohtheihloh tihloh chu mahni In lamah inkhunghrang chunga inenkawl an tam chho zel a, karthar loawmtur hian inkhuahkhirhna thlahzalen in nghawng a neih leh neihloh te pawh a hril tur ah ngai ila.
Hripui hi kan duh emaw duhlo emaw, kan chenpui a ngai tawh a, heivang hian mipui lam pawh a hma a pawnchhuak lova kan him lai ai khan invenna tur dang leh harsa zawk nihial tura ngaih, kan inchhungah ngei pawh kan inven a ngai chho ta.
Hrihi khawi hmunah pawh a awm a, kaitheih mai a ni tih kan pawm hmasak a pawimawh a, chu chuan keimahni ah fimkhurna minsiamsak theiin a rinawm.
Inkharkhip ringawt hi kan dinhmun in a zolova, mipuilam zawk hian chetvel kan thiam phawt chuan, inthlah zalen chung hian awmzenei takin, hri vanga kan tawrhna hi tih ziaawm theih a niin a rinawm a, tihtur leh tihlohtur hrelo hi 99% aia tam kan ni hial ang.
Kan chenpuite ngei atang pawn hrikai hi kan hlauh a hun tawh a, mipui lam kan fimkhur phawt chuan Sorkar leh VLTF tan Ar-nghal vena venngai tur kan khawpui hian a ngah vakin a rinawmloh.
Hripui hi hetia kan chenpui a ngaih tak si ah chuan, a mipui lam zawk hian kan dinhmun hi kan pawmtlan a, vanduai vang chu awm teh meuh mahse, hrikai nih hi zahthlak lam ah kan ngaih hial te pawh a hun tawhin a hriat a, mipui lam hian thu kan awi phawt chuan, he Hripui hian thuktakin minluhchilh tak tak theilovang tih a chiang viauin a hriat ani.