Hripui vanga inkharkhip hnuaiah Lawngtlai District ah tun dinhmun ah Buhfai dinhmun a tha a, nitin mamawh dang erawh a vang chho tan
The Lawngtlai Post zawhna chhangin Pu Lalrinsanga DCSO Lawngtlai chuan tundinhmun ah DCSO Lawngtlai in a enkawl Lawngtlai District a Buhfai chhekkhawlna Kudam pasarih ah Quintals 29051 a awm mek a, thlakhat chhunga Buhfai mamawhzat hi Quintals 8247 niin, tun dinhmun ah thlathum chuang tlatur buhfai chhekkhawlsa a awm mek a ni.
Lawngtlai DC Dr Andrew H.Vanlaldika chuan mipuite thlaphanglo tura chahin, Ration Card neilote pawh chhuanchham a an awmloh nan Sorkar chuan theihtawp a chhuah zel dawn a ni a ti.
Hetihlai hian Lockdown vanga bungrua a thlen that theihloh bakah ramri buai vangin, nitin mamawh, eichawp lam chi Lawngtlai ah lut a awm lova, Dawrkai ten an neihsa chu rualkhai taka pekchhuah niin hetianga kalpuimek a nihlai hian mipuiin chakkhai an lamna ber, Lawngtlai Bazar veng chu Covid 19 vangin nimin atang khan Micro Containment Area ah District Magistrate chuan a puanga, Lawngtlai District in nitin mamawh zualpui a tlakchhamloh nan kawng hrang hrangin hmalakna hi thuneitulam ten an kalpui mek.
Tags
News