Tunhnaia HSSLC Result tihchhuah a, palina dinhmun luahtu Lawngtlai District, Mualbu 'L' khua, Lalthanzami, Pu M.Lalbiaknema fanu chu nimin khan Lawngtlai West MLA leh State Bank of India Lawngtlai Branch ten chawimawina an hlan
Lawngtlai West MLA Pu C.Ngunlianchunga chuan Lawngtlai Bazar Venga an In ah Lalthanzami chawimawina hun hi buatsaihin, Thuziak leh Lehkhabu bak ah Rs,10,000/- a hlana, a bialchhunga Zirlai tithate chu hetiang ang thilpek hi a lo pek thin thu sawiin, Zirlaite titangtu a nih a beisei thu Lawngtlai West MLA chuan a sawi.
Nimin vek khan State Bank of India Lawngtlai Branch chuan Lalthanzami hi chawimawina thilpek an hlan a, Branch Manger Pu Robert Zosangliana chuan Chawimawina thuziak leh Rs.8,000/- hlanin, Bank Day ah mibik chawimawina an hlan thei chu lawmawm a tih thu sawiin, State Bank chuan hetiang thil hi an lo kalpui thin a nih thu a sawi.
Lalthanzami hi chhungkaw khawsak harve tak atanga zirna kawngzawh niin,Govt. Primary Mualbu 'L' ah pawl pawl 1-4 thleng kalin, UPS Mualbu 'L' ah Pawl 5 atanga 7 thleng kalin. Downtown English School, Lawngtlai atangin pawl 10 a passed a, HSSLC hi St Anthony's School Aizawl atangin thatakin a passed ani.
Lalthanzami chuan chawimawina a dawn chu phulo a intih thu sawiin, duhsakna hlantute chungah lawmthu a sawi.