Covid 19 hi mita hmuhtheih mai nisela chuan, pawnchhuak ngam hi kan tlem viauin a rinawm a, hrikaite hi hriathran zung zung theinisela chuan, fimkhur dan pawh kan thiam dawn a, mahse, hetiang hi a nih miau loh vangin, Sorkar leh VLTF lam chuan theihtawpa fimkhur a tulthu hi an aupui renga, zawmlo erawh kan la tam viau lawisi hi a veiawm viau mai.
Hri vang hian tawngpawng tawmim ringawt chuan ei leh bar thlenga nghawng a neih nasat dawn vangin thuneitu lam te chuan a theih chin chinah khawsak phung buai lutuklo turin, awmzenei takin inthlah zalen chu a kalpui mek a, mamawhlamna hun hawnlaiin, Traffic Jam hial khawp a khawpui chhung a lun maite hi, amak ti duh tan chuan tihtham a tling awm e.
Kan huntawnmek hi inthlah zalena, pawnchhuah tamna chi a nilo tih chu mipangngai tan hairual nilo mahse, kan zawm lemlo lai hi a buaithlak a, Executive Duty leh VLTF lam tan pawh, mipui khuahkhirh har lutuk hi a buaithlak ngawt ang.
A pawimawhber chu, chhungtinten mahni inchhungah tan la thar ila, tullemlova pawnchhuak titlemtur hian Sorkar leh VLTF hmalakna i tawiawm ang u.
Tags
Editorial