Chakma Autonomous District Council ah hian kumin March ni 29 khan, khatihlai a Chief Executive Member Pu Rashik Mohan Chakma chuan CEM atanga banna a thehlut a, hemitum hian CEM atanga bangta chuan The Lawngtlai Post zawhna chhangin, MNF Party ah hruaitu insiamrem a tul vanga bang a nih thu leh lungawilohna vanga bang a nihloh thu a sawi a , April ni 6 khan Pu Durja Dhan Chakma chu CADC CEM atan lakluh niin , MDC Seat 20 awmna CADC ah hian rorellai MNF 18 leh BJP 2 an awm mek a, rorel lai MNF MDC 9 te chuan July 5 khan CEM Pu Durja Dhan Chakma chu CEM a nihna a tangin inhnukdawk turin an ngen a, an ngenna chhan erawh puanzar a nilo.
CEM bang tura an tihna lehkha ah hian CADC hruaitu lo ni tawh thin, Pu Rashik Mohan Chakma leh Pu Bhudha Lila Chakma te pawh an tel.
July 5 vek khan CEM Pu Durja Dhan Chakma chuan Executive Committee thuchhuak angin Adviser to CEM, Pu Buddha Lila Chakma leh Adviser to Planning & Development Committee, Pu Ajoy Kumar Chakma chu an nihna dinhmun a tangin banna a pe bawk a ni.
Tags
News