Lawngtlai District ah, kar khat dang, awmzenei a inthlah zalen chungin, Hrileng vangin khauhtaka inkhuahkhirh chhunzawm nise tiin vawiin a District Level Task Force, Lawngtlai DC Dr Andrew H.Vanlaldika hova thukhawm chuan an rel.
June 30 thleng Lawngtlai khawpui chhung ah Thawhtanni, Nilaini leh Zirtawpni ah te zing dar 6 atanga chawhnu dar 1 thleng Dawr hawn nise an ti a, Inrinni chu khawpui pawnlam atanga chakkhai lam duhte tan ruahman niin, khawpui pawn atanga Lawngtlaia chakkhai lam duhte, Ngengpui thlanglam ami te chu, a mimal anga mamawh an lam remtihsak an ni dawn lova, VLTF ten an mipuite mamawh a hlawmin an lamsak dawn ani.
Covid 19 chu englaipawh a darh thei reng dinhmun ah a din vangin Lawngtlai DC Dr Andrew H.Vanlaldika chuan District mipuite nasa zawka fimkhur turin a chah a, Sorkar chuan tutemah chhuancham an awm a remtilova, VLTF leh Executive Duty te chu an huamchhungah tanpui ngai zual dapchhuak chhunzawm zel turin a chah.
Tags
News