Editorial || INKHUAHKHIRHNA HLIP TURA KAN INKHUAHKHIRH THIAM ATUL

  `Hripui dona hmanrua thaber chu inkhuahkhirh a ni deuh mai a, engchennge kan la inkhuahkhirh dawn tih a hriat lohva, inkhuahkhirh hian hri laka himna a thlen rualin, chhungkaw tamtak dinhmun erawh a phet phah nasa tih a chiang a, hei aia hmanraw tha zawk erawh a la awm silo lai hi a manganthlak lai niin a lang.

Mipui lam hian zalen an thiam lova, karkhat chhunga Ni tamzawk, mahni In a hri vanga tawm thei kha, chakkhai lamna hun hawn a nihin, midang hlata awm leh hmaituam ngaihpawimawhna a tlahniam nghal a, chu chuan hri darh tur leh hrikai theihna remchang a inhawngzau nasain, a tawp ah, khauhzawka inkhuahkhrih na dan lekkawh a ngai leh thin a, a bikin nitin eichawp zawng ten harsatna an tawk nasa a, Sorkar kalphung pawh a buaiin, dan hnehloh khawpin hri hian min luhchilh ang tih chu tun dinhmun a hlauhthawnawm ber a ni  mek ani.

Hrilaka himna turin tihtur leh tihloh mithiamten an duan chu hrelo pawh a awmtheihloh hial ang, heng hi thatakin mipui lam in zawmthei sela, hri laka himturin mahni inkhuahkhirh tha ila, chu chuan tuna Inkhuahkhirhna hi hlip thei khawpin, mipui lam thuawina in nunphung buai lutuk lo hian a kaltheih a, hetiang dinhmun thleng thei tur chuan, tuna thlah zalen kan zolo lutuk hian kawng a tiping a, Hripui nen a chenho hi kan thiam siloh chuan, kan tawrhna hi a thuah hnihin, a nasa tulh tulh in a rinawm.