West MLA in khua / veng 70 ah tanpuina a semchhuak

         Lawngtlai West MLA, Pu C.Ngunlianchunga chuan, Hripui vanga khawsak harsa leh rim taka Hripui do hna thawktu VLTF ten an mamawh a an hman atan vawiin hian a bialchhung a khua / Veng 70 ah tanpuina a semchhuak.

        Pu C.Ngunlianchunga hian khawpui chhung, Thingkah, AOC leh College Veng te chu tukin khan tanpuina pawisa hi a hlan a, tun dinhmunah tanpui ngai engemawzat an awm tawh vang leh a bial chhung chu nikhat thilthu a fanchhuah maitheih a nihloh vangin, MDC bial tin ah tanpuina pechhuaktur hi siamin, hengmite hian tanpuina semchhuah hni hi an thawk nghal ani.

        Khua leh Veng lendan azirin tanpuina pawisa semchhuahzat hi a inanglo va, Rs.15,000/-, Rs.10,000/-, Rs.8,000/- leh Rs.5,000/- ten sem niin, tuntum ah hian Cheng Nuai ruk sem zawh tur a ruahman a ni.

        West MLA chuan mipuite chu Sorkar in hrilaka himnatur kaihhruaina a siamte thataka zawm turin  a chah a, kan inthlahdah luat vangin hripui hi nasa zawka tuar thei kan ni tih hria a, VLTF te pawh theihtawp chhuahzel turin a ngen bawk

        Pu C.Ngunlianchunga chuan a bialchhung mi, Aizawl leh hmundanga tangkhang, harsatna tawkte chu atan hriat vek a harsat vangin, inhriattirna tur ruahmanin, Phone No. 91 93661 30268 / 91 84540 70198 ah te hetiangmi tanpui ngai an awm chuan hriattir turin a ngen bawk.