Lawngtlai District MJA te chuan Mizoram Chief Minister chu, Journalist te Covid 19 Frontline Worker a chhiar an nih theih nan hmalaksak turin an ngen.
Lawngtlai District MJA te hian an President Lalngheta Ralte hovin, vawiin khan Chief Minister hnen a ngenna an siam hi Lawngtlai DC, Dr.Andrew H.Vanlaldika hnen ah an hlan a, DC chuan a tul anga a tihtur te a lo bawhzui nghal tur thu MJA te hi a lo hrilh.
Lawngtlai District MJA te chuan Lawngtlai District a MJA Member te chu an hna vangin hrikai hlauhthawnawm tak tak ah an ding fo tih sawiin, Hripui do na ah an dinhmun hriatthiamsak a, Covid 19 Frontline Worker ah an teltheih nan hmalaksak turin Chief Minister hi an ngen a, Journalist te hrido kawnga an dinhmun tlangpui leh an tangkai vena Lawngtlai DC hi an hrilhhre bawk.
