Kangmeiin a tihchhiat chhuichiangtur dinfel ani.

Tunlai a Lawngtlai District hmun hrang hranga kangmei chhuakin chhiatna a thlendan zirchiangtur Block Level Investigation Committee din a ni.

Nimin chawhnu a Lawngtlai DC Dr.Andrew H.Vanlaldika hova District Forest Fire Prevention Task Force thukhawm chuan Lawngtlai District chhunga kangmei chhuak leh tihchhiat a neih te, kangmei chhuakmek tihrem a nihtheihdan tur te an ngaihtuah a, Kangmei chhuak in chhiatna a thlen te chhuichiangturin  BDO te kaihhuriana hnuai ah Investigation Committee an din nghal

Tuntuma kangnmei chhuak in Phawngpui National Park a kankai chungchang ah Deputy Conservator of Forest Pu Samson Thanruma chuan Sq.Km 50 a zau Phawngpui National Park chu Hactare 10 chuang a kan thu sawiin, tun dinhmun ah mitlawmngaite inpekna vangin National Park chhung chu a kanbelh hlauhthawnna a ziaawm thu a sawi.

Hetihlai hian nizan leh vawiin lam ah pawh Phawngpui tlang chhehvel kang hi thelhmih a la ni lova, mitlawmngai thahnem takin kang hi an thelh leh a,  helai tlang chhehvel khuate chuan karkhat zet kangthelh hna hi an lo thawk tawh a ni.