Vawiin khan SDO(C) Dr. Manesia Khaimeichho kaihhruaiin a pisa ah Covid-19 hri kai pung zel avangin meeting neih a ni. Lawngtlai Sr. Medical Officer, Dr. S. Thaizy leh Chawngte Sr. Medical Officer Dr. Walter Lalnuntluanga Sailo te bakah, Chawngte a, VLTF hruaitute leh tlawmngai pawl hruaitute an tel.
He meetingah hian hri danchah a nih theih nan theihtawp chhuah a hmalakna tur sawiho a ni a, Covid appropiate behaviour zawm tha in, VLTF ten mahni Area theuh ah khauh taka inkhuahkhirna kal pui chhunzawm nise an ti.
May ni 27 a, Lawngtlai DC hova meeting thuchhuak bawhzui in, Lawngtlai SMO hovin Community Covid Care Centre a tana rawtna te a hmunah enfiah nghal a ni a, Chawngte ah 4C atan hman theih tur Govt. Kamalanagar College Boys & Girls Hostel leh CADC Teachers Inn ah te hian Mi 85 leng thei tura ngaih niin ruahman nghal a ni.
Tun dinhmunah Chawngte ah positive 208 enkawl mek an niin, heng zinga 160 chu Home Isolation an ni.
Tags
News