Siaha khawchhung veng hrang hrangah nimin khan Covid-19 hri vei leh vei lo RAgT hmanga test a ni a, hmun thuma Test neih ah mi 30 positive hmuh chhuah a ni.
Hei hi Mizoram Sawrkarin, Siaha CMO hnena random test nei tura a tih avanga hmala nia thudawn a ni a, mi zawng zawng test an nilova, College veng, AOC-ah test hi kalpui a ni a, hetah hian Positive 18 hmuh an ni a. An zinga 2 chu Petrol Pump-a thawk lai an ni a, College veng bik hi mi 8 niin abak 10 hi siaha veng dang an ni.
New Colony-a test-ah positive 11 hmuh chhuah a ni. Vaihpi-a test-ah positive 1 hmuh a ni a, a ni hi MST driver a ni.
Tihian COVID19 hmuhchhuah zawng zawng hi 30 an ni a, CCC Siaha a mi 5 enkawl mek nen mi 35 CCC siaha ah enkawl an ni ta a ni.
Test result hriat anih hnuah hian AOC petrol pump khar nghal a ni a, Dawr pawh khar vek a ni a, Damdawi tihloh chu dawr inhawng a awm lova, mipui veivak pawh an tlem hle niin sawi a ni. Siaha khawchhung Veng dangah pawh a tul angin random test hi la kalpui leh a ni dawn a. CMO report zulzui leh Siaha khawpui chhunga Covid-19 Random Test kalpui mekah hri kai an awm nual a, he hri hi khawpui chhung hmun hrang hrangah a darh mek niin a lang a. Hri darh chin hi chhui zel a ngai a, Random Test pawh chhunzawm zel a ngai bawk a ni.
Hetihlai hian Siaha District Magistrate chuan Siaha town chu Containment Zone-ah a puang a, inkhuahkhirhna khauh zawkin kalpui nghal ani.