Lawngtlai District Level Task Force, vawiin a DC hova thukhawm chuan June 7 zing dar 4 thleng, hrileng laka mipuite an himtheihna tur leh, hri inkaidarhna chhutchah a nih theih nan awmzenei a inthlah zalen chungin, khauh taka inkhuahkhirh chhunzawm nise an ti.
DLTF thukhawm chuan zan dar 7 atanga atuk zing dar 4 thleng zantin Curfew chu chhunzawm tha an ti a, Sorkar Office te chu tuna an kaldan pangngai angin, a pawimawh zual chauh Office kai se, a theih ang atam In lam atangin thawh nise an ti.
Auto Rickshaw leh Taxi pawh awmze nei a an Service remtih a ni a, VLTF ten ruahmanna an siam dawn a, khualzin phur Maxicab te erawh an chetchhuah remtih a nilo.
Kuthnathawkte VLTF ten hrilaka him te chu an hnathawh phalsak tha an ti a, mi panga aia tam hmunkhat a hnathawh erawh khap niin, panga aia tam hlawhfa chhawrtur te chuan thuneitute hnen atangin phalna an neih a ngai dawn a ni.
Mipui leh sumdawng ten inkhuahkhirhna an tawrh lutuk loh nan, Dawr leh chawhmeh lam chi zuarte thlah zalen hret tha an ti a, chawhmeh zuarte zinglam ah dar 10 thleng an inpho remtihsak niin, hemi hnu hian chawhnu dar 4 thleng dawr dang te hawn remtih a ni.
Tags
News