Kangmei awmna sang berah Cheural lam atangin WLG Pu Tluanga leh mi 20 vel an awm a. Ding lama a sawn phei zel tur hi Lungpher to Tlangsang kawng lamah zana meilam sial turin inbuatsaih a ni. Mei hian tlang a lawn liam palh thilah Tlangsang to Vawmbuk lam dung zuiin zaninah Vawmbuk leh Archhuang VC ten hnatlang kovin meilam an sial dawn bawk. DCF, Pu Samson Thanruma leh LADC Forest lam atangin Pu Thangvunga leh a nauten thilawmdan a hmun ah an vil reng e. Vawiin khan Helicopter in vawi khat a phuh tawh a. Zan thil a nih avangin naktuk lamah an bei leh tura ngaih ani.
Lawngtlai DC, Dr Andrew H.Vanlaldika leh Pi Marilyn Rualzakhumthangi Project Director DRDA, Additional DC mawhphurhna lamektu ten ruahmanna hrang hrang chaktakin an bawhzui reng a, Lungpher YLA leh VC ten zan lama meilam sial dan tur an ruahman bawk e.
DCF Pu Samson Thanruma chuan, theihtawp chhuah a an beih fan fan thu sawiin, a bak chu Pathian thu thu a ni tawh e, a ti.
Phawngpuitlang bulthut khua te inpekna hi a hlu takzet a, beiseiangin IAF lam tan chet a harsa deuh niin a lang a, nileng zankhuaa kan ram rohlu venga thawkchhuakte tan i tawngtai ang u