Mizo National Front
District Headquarters Lawngtlai Lawngtlai: Mizoram
PRESS RELEASE
No.24/MNF-PR/DHQ(Lti)/2021 Lawngtlai, the27th April, 2021
KANGMEI NASA TAK MAI CHHUAK LEH CHENNA IN TE HIAL A KANG HI, MNF DIST HQRS LAWNGTLAI IN PAWI A TI HLE
Lawngtlai khawpui chhehvelah kangmei nasa tak a chhuak a ni tih hriat anihin leh Bungtlang South ah chenna In sawm pali (14) lai a kang tih hriat veleh Chief Executive Member, Lai Autonomous District Council Pu Manghmunga Chinzah chuan April 25th 2021 (Pathianni) khan, Bungtlang South bialtu MDC Pu LN Lalhmachhuana chu tir nghalin, LADC Sorkar hmingin, Kangmei tuartu chhungkua te leh hnatlang thawk chhuakte a tul anga hman a tan leh thingpui lumna atan Rs.104,000/- lai mai a hlan nghal a ni. Tin, Bungtlang South In kang tanpui nan MNF Dist. Hqrs. Lawngtlai chuan cheng singkhat (Rs.10,000/-) a hlan bawk a ni.
Hetianga beisei loh leh rinlawk loh tak mai a, khuarel chhiatna a lo thlen rual a, kan CEM zahawm tak Pu Manghmunga Chinzah pa viak tha leh pa nih tlin tak mai a ngaihna hre tak, a hun taka a che nghal chat mai hi, Lairam mipuite mai bakah kangmei tuarte an thla a muang hle niin kan hria a; Hetiang ang CEM viaktha leh a ngaihna hria kannei hi, MNF Dist. Hqrs. Lawngtlai chuan lawmawm kan ti tak zet a ni.
April 26, 2021 (Thawhtanni) ah Dy. Leader & EM (LAD) changtu Pu T. Lalengmuana hovin Executive Member te, CEM Pu Manghmunga Chinzah thurawn angin, Lawngtlai Vengpui, Thingkah leh Chandmary Lawngtlai te an huamchhung theuha ram kang mek te a hmunah an tlawh a, hetah hian pawisa leh Tui (case engemaw zat an hlan) nghal bawk a ni.
Tin, Phawngpui tlâng, Cheural ram kang te pawh, Pu CL Lianzuala EM (Forest) Sangaua a awm lai a nih angin ama hoin nasa takin kang an thelh bawk a ni. Tin, sum leh pai te pawh YLA te hnenah hian alo hlan tawh bawk a ni.
LADC a MNF Sorkar chuan, kangmei tuarte leh In leh lo chana mangang tak tak te, thlaphanglo tura chahin, a tul anga an harsatna zawnah tanpui an inhuam reng thu leh hmalaksak an inhuam reng thute leh, thlabar lo tura chahin LADC sorkar chuan State sorkar hotute nen ruahmanna felfai tak an siam tur thu leh theih ang ang a, hma an laksak zel tur thu an sawi bawk, a ni.
Lairam mipuite kumin thal hi rin aiin a rei avangin leh ruahtui duh khawp a tlak loh avangin khua a ro hle mai a, Kangmei pawh a chhuak hma hle mai.Mitin te,Kangmei laka kanlo him tlan zel theih nan fimkhur lehzual turin, MNF District Headquarters Lawngtlai chuan Lairam mipuite a chah nghal bawk a ni.
Issued by: Info. & Publicity Deptt. MNF Dist. Hqrs. Lawngtlai.