Vawiin khan Executive Member, Sanitation changtu Pu Lalropuia Chinzah hovin, a Office Chamber ah, Lawngtlai khawpui chhunga VCP ten fur lo thlengtur ah khawpui chhung a thianghlim zawk dantur leh tulpawimawh dangte an sawiho.
Vawiin Meeting ah hian Local Administration Department enkawltu, Executive Member Pu T.Lalengmuana pawh telin, fur ruahtui tlak hma in, veng tin a tuihawkluankawr te tihfai vek nise an ti a, mipui lam pawh, tuiluankawr tiping thei zawnga bawlhhlawh paihlotur leh bungrua dahloturin an ngen bawk.
Executive Member, Sanitation enkawltu Pu Lalropuia Chinzah chuan khawpui a bawlhhlawh paihdan kalphung chu herdanglam tumin hmalakna kalpui mek a ni a ti a, reilote ah LADC chuan PPP Mode kalpui a tum a ni a ti.
Hetihlai hian vawiin khan Lawngtlai DC chuan Lai Autonomous District Council a AH&Vety Department leh Sanitation Department a Officer te kawmin, Lawngtlai ah Vawk thi a lo awm palha, a phumna hmuntur chungchang an sawi hova, vawiin vek khan vawk phumnatur atana LADC lamin ruahmanna a lo neihte en nghal a ni.
Vawiin Meeting ah hian Sr. Sanitation Officer Pu C.Lalhmunsiama chuan, khawpui chhung a thianghlim theih nan a, LADC Sorkar in hmalakna a kalpui dan leh ruahmanna a neih te sawi.