Hri kai thar hriattur an awm chho leh nual tawh a, tuntum a hrileng hi Covid 19 khawvelin a hmelhriat hmasak ai khan a hlauhawm zawk ni a sawi a ni a, a thim zawng a ngaihtuah chuan, tuna mipui nunphung atang hi chuan, hripui vanga tawrhna nasa zawk hi reiloteah kan tuar chiam ang tih a hlauhthawnawm khawp mai.
Mithahnemngai ten Hripui laka inven a tulzia an sawi deuh reng a, Sorkar in inkaihhruaina a siam te pawh ngaihpawimawh a hlawhlo chho tan a, a bulber ah chuan, mipui lam in hripui hlauhna tak tak an kalpelh tak vang a ni ber ang, hripui erawh a hma aia hlauhawm zawkin a rawn thawk thei reng lawi si a, awmzenei a kalphung herrem a pawimawhna hi a lianin, nghah rei chi a ni kher in a rinawmloh.
State pawn atangin an rawn haw a, hrivei an tlem laiin kan hlau em em a, pawnchhuak suh u, tih pawh ngailovin, pawnchhuah kan hlau a, hrikai an tam chho a, hri nen a lendun mipuiin an thiam chho viau a, an thiam ta mah mah zawk em aw, tihtheih khawpin, kan Mask te chu kan vuah theihnghilh ta fo a nih hi.
Tuna kan mamawhber ni a lang chu, hripui hi tawngpawng hlauh a hlaulovin, kan thinlung, kan ngaihtuahna, kemimahni ah theuh, hlau thar leh ila, hripui laka zalen deuh ta a inngaihna hi, paihthla in, chhungril lam ah in lockdown ila, chu chuan, a nawlpui a, khawpui inkharkhip ngaitur thleng in a veng theiin a rinawm a, kan hlauhtak vakloh kha, a hma aia nasa a kan hlauh a tul khawp mai.