Vawiin hi LADC Day a ni a, District Council hlutna leh tangkaina hi inhrilhnawn aiin, engtianginnge kan tangkaipui ang tih hi ngaihtuah tlan atan a pawimawh in a rinawm.
Lehkhathiam leh hawizau deuh ten Council ah inhnawhluh an tum deuh vek anga sawi awm thinte hi keimahni lam indemna atan a hman chi niin a lang lova, Council hian a kuahkhawm theih ang ang a kuahbeh theih chuan, a tha viauin a hriat a, mahse, khawhawi tizimtu atan te, tumruhna tineptu a atan kan hman chuan, hmalam huna kawng tihnawktu a nihtheihna pawh a tamin a rinawm.
LADC hian mipui nawlpuiin hmasawnna an chuankai theihnan a huamkim vek theilo tih a chiang a, State Sorkar te Central Sorkar te hian mitin huapzoin hmasawnna tak tak in tuamzo sela chuan, a hran a inrelbawlnate pawh hian awmzia a neihtamloh phah maithei.
LADC thlazar hnuai atanga thil zawng zawng neih tum hi a fuhber lova, LADC huamchhunga mite chuan, ngaihtuahna sang tak, midangte ngaihnepna nisilo, midang aia dinhmun sanga dintumna, Council hian a neihtir a tula, mahnia ro inrelna hran nei thlap nihna chu mipuiten chhuangtaka, hetiang neivelote aia chungnung zawk theitur a taimakna leh paukhauhna neih a pawimawh, LADC hi hnam hnufual leh hnuaihnungte dawmkanna hmanrua atan Sorkar in a pek a ni ngawt lova, ram mipuiten Council neivelote awh khawp a awmzenei a midang khum tumna neih hi a pawimawh lai a ni awm e.