Lawngtlai West MLA Pu C.Ngunlianchunga chuan Myanmar ram buaina vanga raltlan an awm chuan, Sorkar dan bawhche silova, ram mipuiten kan lo tuamhlawma, kan lo ngaihven hi kan tihtur a ni a ti.
MLA Local Area Development Fund atanga lei, Lawngtlai Press Club a hmantur Revolving Chair sawm, hlanna, nimina Lawngtlai Press Club a neih ah, Pu C.Ngunlianchunga chuan Sorkar laipui chuan Myanmar atanga rawn tlanlutte chungchang ah ngaihdan a neihte hrereng chungin, kan mi leh sa, kan unaute tawrhna hre chungin, lo tuamhlawma, lo ngaihsak chu kan tihtur a ni a ti a, Lawngtlai District chu Myanmar nen ramri thuitak nei a nih vangin mipui te, tanpuingaite tanpui kawngah zautaka lo inhawn a tul a ni a ti a, Mizoram hmun hrang hrang ah raltlan an awm pawh a, lo enkawl an inhuamthu hriattur a awm chu, Laifa zinga MLA a nihna angin Pu C.Ngunlianchunga chuan lawmthu a hrilh,
Lawngtlai West MLA chuan PMJVK chu Sakhaw zuitu hnam tlem zawkte tan a duan a ni a, Infiamna lam tihchangtlun nan a hmalakna kalpui hi thil tha tak a nih rualin, hnam tenau zawkten an mamawh hmasa, Hriselna, Zirna leh Tui thianghlim hnianghnar a an hmuh theihna tur te chu ngaihpawimawh hmasak a neih chi a a ngaih thu a sawi bawk.