March 13,2021 (Inrinni) khan Lai Autonomous District Council Executive Member i/c LAD etc Pu T.Lalengmuana chua Lawngtlai District Badminton Association Cup 2021 closing Lawngtlai Electric Veng Hall-a neih a hmanpui.
Pu T.Lalengmuana chuan, infiamna hi taksa hriselna atan chauh ni lo, rilru hriselna thlengin a pawimawh tak zet a. Chuvangin, infiamna mite ruihhlo laka kan fimhlim hi a ngai tak zet a ni, a ti a. Badminton hi taksa leh rilru hriselna atan game tha tak a ni a. Badminton lama Khawvel huapa mi hriat hlawk tak tak hi palian tak tak an ni lem lo, chuvangin Mizo te tan khawvel a kan lan theihna chance tha tak anih avangin player te pawh tan la zual sauh sauh turin a chah bawk ani.
Khuallian Pu T.Lalengmuana chuan, Laifate infiamna lamah hma kan sawn zel theihna turin District Council pawhin theihtawp a chhuah zel dawn a. Chuvangin, thalai infiammite pawh tan la a, ram leh hnam ti hmingtha tu ni thei turin a chah bawk a. Infiamna lama mi hlawhtling te zin kawng hi kawng awlsam anih loh avangin harsatna hrang hrang paltlang ngam a, beih tang tang turin a chah bawk a ni.
Pu T.Lalengmuana hi Pu N.Sanghlira Gen.Secretary, MNF District Hqrs leh Pu B.Lalramsanga, MNYF Gen.Secy District Hqrs, Lawngtlai ten an tawiawm a ni.