February Ni 19 atanga Lawngtlai District chhunga Covid Vaccine pek chu chhun zawm zel niin, Inrinni thlenga Lawngtlai District chhunga Vaccine pek tawh hi mi 1875 an ni .
Covid Vaccine hi Lawngtlai district ah February Ni 19 atang khan Healthcare workers te hnenah pek tan ani a, Healthcare workers te hian Dose hnihna an la tawh a, An zinga engemaw harsatna avanga la ve hman lo te leh Frontline Workers te hnenah kar kalta Thawhtanni atang khan Vaccine hi pek tan a ni a. Thawhlehni atang khan Frontline workers VLTF leh MJA bakah, Traffic police te hnenah Vaccine hi pek a ni a, hemi rual hian Kum 60 chin chunglam leh kum 45-59 natna benvawn nei te hnenah Vaccine hi pek an ni bawk.
Lawngtlaia Vaccine pek anih rual hian, Vathuampui, Parva, Damdep leh Longpuighat ah Healthcare workers, Assam Rifle, BSF, VLTF leh Senior Citizen te hnenah Covid Vaccine hi pek an ni bawk.
Heti hian tun dinhmunah Lawngtlai district chhunga Covid Vaccine pek tawh zat hi 1st Dose ah Healthcare worker 730,Frontline worker 241 niin Kum 45 atanga 60 inkar natna benvawnnei 34, Kum 60 chin chunglam 349 an ni a, Second dose la tawh hi Health care workers 521 niin First dose la tawh mi 1354 awmin, Second dose la mi 521 an awm tawh a, Vaccine hi pek chhunzawm zel a ni ang.