Loan chu mihausa tan lo chuan lak a harsa an ti thin a, a sawitute hian eng loan nge an beisei tih erawh hriat a ni lemlova, hetihlai hian Bank thenkhat chuan, engmah dahkham leh document pawh ngailova, loan lak an duh leh duhloh an zawh te pawh an awmfo bawk.
Nimina DC hova Bank hotute thukhawm chuan loneitu tamzawk hnen ah loan pekchhuah tul an tih thu an sawi a, Bank hotute DC hova an thutkhawm apiangin helam hawi hi sawilan a ni thin a, kuthnathawktute hmakhua ngaia Bank lam inhawnna hi a hluin, Sorkar pawhin a ngaipawimawh khawp mai.
Eizawnna a harsa tual tual a, Sorkar leh tute emaw behchhan ringawt a tal mai mai hleihtheihloh hun hi a thleng chho mek a, mahni theuh kan pawimawhna hi a lang tual tual dawn a, eizawnna nghet neitur a hmala hmasa apiang an hahdam hmasa mai dawn.
Lawngtlai District chhunga ramruak, hmantangkailoh tamzia hi, a neitu an awm vek bawk si, Sorkar hian mumal zawkin ram semsawmdan te hi ngaihtuah thei sela, tihtakzet a, ram leilung behchhan a hmala duhte tan hian Bank kaltlang ringawt pawn kawng a inhawng zau viauin a hriat a, a thlawna dawn lam nilo, mahni ngeiin rulh leh ngai a nihna te hi mihring hlutna lantirtu a ni a, hmala hmasa apiang miawhawm an ni ang.