Mipui vangin Sorkar a awm a, Sorkar hnathawktuten an hnathawh ber chu, ram mipui ten hmalam an panna tur, kawng hrang hrang a ngaihtuah a ni a, hetiang hi a nihvang nitak ang maw, Inthlanpui vuakvet ah, hnathawhkawr minhaktir rawh u, tih te pawh hriattur a awm thin a, heng rorelna dawhkan luahtute hi mipuiin an aiawh a ram tana hmalatura an dahte an ni a, Department hrang hrang a thawktute hi, mipui chhiahlawh ti te a sawi an ni ve fo bawk.
Sorkar chu pahausa tak, pawisa ngah deuh, a melh duh zawng te tan a, hmasawn duak duak theihna ang mai a ngaihtheih a Sorkar hi a awm chang a awm thin vang te pawh a ni maithei e, Sorkar thil chu mahni ta anga entur tihte pawh inzirtira, sawinawn fo te a la ngaihna chhan hi.
Political Party te hian inzawrh nan mipui huapzo, mitin ten an ta neihtur Sorkar din te an hmangfova, heng zawng zawngte thlir hian, tutenge mipui huapzo Sorkar din tawh tih chu mahni theuhva chhan chi a nih rualin, huapzo tih lai pawh hi tehfung lekdan azirin chhanna a inanglo thei viau maithei.
Engpawhnise, sorkar awmtawh leh awmmek te hi kan Sorkar ah kan pawmthei em ? Myanmar ram buaina bul chu, tuna an mahni awpbettu chu an sorkar ah an ngaihloh vang a ni a, a nghawng pawh a nasa viau tawh. State a ni emaw, Council a ni emaw, Sorkar kan neih thinte hi kan sorkar ah kan ngaithei em? Enge hmabak kan neih ?